Sybaılas jemqorlyqqa qarsy is-qımyl agenttigi elorda turǵyny Qýandyq Bıshımbaevtyń úkimin jeńildetý syltaýymen aldaý arqyly 100 mln teńgeni ıemdengen kúdikti týraly málimdeme jasady, dep jazady Egemen.kz.
Agenttik BAQ-tyń suraýymen osy istiń mán-jaıyn tarqatty.
«Sybaılas jemqorlyqqa qarsy qyzmet Q. Bıshimbaevtyń týystarynyń ótinishi boıynsha elorda turǵyny «G»-ǵa qatysty sotqa deıingi tergeý júrgizip jatyr. Ol asa iri mólsherde alaıaqtyqqa oqtalǵany, ıaǵnı Q. Bıshimbaevtyń úkimin jeńildetý syltaýymen aldaý arqyly 100 mln teńgeni ıemdený boıynsha kúdikke ilindi», delingen Antıkor habarlamasynda.
Sonymen qatar kúdiktiniń is-áreketi asa iri mólsherde para berýge ıtermeleý boıynsha da saralandy. Bul iske qatysty kúdiktiniń qylmystyq áreketi basqa epızodtar boıynsha da tekserilip jatyr.Kúdikti sottyń sanksııasymen qamaýǵa alyndy. Tergeý jalǵasyp jatyr. Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.