Fight Matrix ınternet portaly UFC-de kúsh synasyp júrgen aralas jekpe-jek sheberi Asý Almabaevty (20-2-0) asa jeńil salmaqtaǵy TOP-15 sportshynyń qataryna qosty. Bul tizimde brazılııalyq Aleksandr Pantoja (28+5+0) kósh bastap tursa, ekinshi jáne úshinshi oryndardy amerıkalyq Brendon Roıvel (16-7-0) men meksıkalyq Brendon Moreno (21-8-2) ıelengen.
Italııanyń astanasy – Rımde shymyldyǵy túrilgen Parıj Olımpıadasynyń irikteý týrnırinde Dıana Tasjanova, Ksenııa Ignatova, Sofıa Spodarenko jáne Ádilbek Mýsın syndy júzýshiler óner kórsetedi.
Taılandtyń Raıon aımaǵynda baıdarka men kanoede esýden jastar men jasóspirimder arasynda uıymdastyrylǵan Azııa birinshiliginde Qazaqstan quramasy 30 júlde oljalady. Ol medaldardyń 11-i altyn, 7-eýi kúmis jáne 12-si qola.
Halyqaralyq konkıshiler odaǵy (ISU) short-trekten kelesi maýsymnyń jarystar kestesin jarııalady. Jasóspirimder arasyndaǵy álem kýboginiń alǵashqy eki kezeńi Almatyda ótedi. Alǵashqy jarystyń tusaýy 7 qarashada kesilse, ekinshisi 13-15 qarasha aralyǵynda uıymdastyrylady.
Bul kúnderi dzıýdodan Qazaqstannyń áıelder quramasy Horvatııada oqý-jattyǵý jıynyn ótkizýde. Sol jaqta Ábıba Ábýjaqynova (48 kg), Ǵalııa Tynbaeva (48 kg), Esmıgúl Kýıýlova (63 kg), Kámıla Berliqash (+78 kg) jáne Nazgúl Maratova (+78 kg) ter tógýde.
Maltada sý dobynan jasóspirimder arasyndaǵy álem birinshiligi bastaldy. Atalǵan jarysta Ádil Temirhanov pen Mádıhan Mahmetov jetekshilik etetin otandyq vaterpolshylarymyz da óner kórsetýde.
Tanymal kórkem gımnasshysy Eljana Tanıeva Italııanyń Mılanynda ótip jatqan álem kýboginiń sońǵy kezeńdik saıysynda baq synaýda. Qazaq qyzy bul jarysty Olımpııa oıyndaryna daıarlyq retinde qarastyrýda.