Almatydaǵy Ál-Farabı atyndaǵy Qazaq ulttyq ýnıversıtetiniń aýmaǵynda qaza tapqan jigit UBT tapsyrýǵa kelgen túlek ekeni belgili boldy. Ǵylym jáne joǵary bilim mınıstri Saıasat Nurbek talapkerdiń qazasyna pikir bildirip, mán-jaıdyń qalaı bolǵanyn málimdedi, dep habarlaıdy Egemen.kz.
- Oqıǵa saǵat tórtte, kún ystyq bolyp turǵanda bolǵan. Tyıym salatyn belgige qaramastan, ol sýburqaqqa túsken. Sýburqaqtyń eki tostaǵany bar, ol týra ishine kirgen. О́limniń sebebi sot-medısınalyq saraptamadan keıin belgili bolýy kerek. Aldyn ala málimet boıynsha, júregi toqtap qalǵan nemese tok soqqan bolýy múmkin. Sot-medısınalyq saraptamanyń qorytyndysyn kútý kerek, - dep jazdy mınıstrdiń sózin KTK arnasy.
Saıasat Nurbektiń aıtýynsha, marqum bolǵan bala qaladaǵy №185 mekteptiń túlegi bolǵan. Sol kúni ýnıversıtetke UBT tapsyrýǵa kelgen, biraq tehnıkalyq aqaýǵa baılanysty synaq ótpedi. Bilim oshaǵy qaıǵyly oqıǵadan keıin sýburqaqty óshirip tastaǵan.
- Sýǵa túsýge tyıym salynady" degen jazý tórt jaǵynda jazylǵan. Sebebi ýnıverstıtet aýmaǵy kórkem ári jaıly bolǵandyqtan, turǵyndar men stýdentter munda erkin júredi. Olardyń qaýipsizdigi úshin mindetti túrde sol belgilerdi qoıǵanbyz. Ýnıversıtetimizdiń aýmaǵynda bolǵan oqıǵaǵa baılanysty marqumnyń jaqyndaryna qaıǵyryp, kóńil aıtamyz, - deıdi ál-Farabı atyndaǵy QazUÝ prorektory Erkin Dúısenov.