Qostanaıda qyzylsha juqtyrǵan naýqastar sany 520-ǵa jetti, dep habarlaıdy Egemen.kz.
Qostanaı oblysynyń Sanıtarııalyq-epıdemıologııalyq baqylaý departamenti usynǵan aqparatqa sáıkes, naýqastardyń 364-i (69,7%) - balalar jáne 158-i (30,3%) - eresekter. Barlyǵy 522 jaǵdaı tirkelgen.
Sanıtarııalyq-epıdemıologııalyq baqylaý mamandary naýqastardyń 30 paıyzǵa jýyǵy ekpe almaǵanyn, 55 jaǵdaıdyń ekpe jasyna jetpegenin, 121 adamnyń vaksınasııa jaǵdaıy belgisiz ekenin atap ótti.
«Qostanaı qalasynyń emhanalaryna tıisti tekseris júrgizildi. 18 jasqa deıin qyzylshaǵa qarsy vaksına almaǵan jáne vaksınasııa týraly derekteri joq 946 bala qosymsha ımmýndaýǵa jatady», dep habarlady vedomstvo ókilderi.
Jospar boıynsha balalardyń 34,2%-y 1 jasynda qyzylshaǵa, epıdemııalyq parotıtke jáne qyzamyqqa qarsy vaksına saldyrdy. Sondaı-aq balalardyń 36,7%-y atalǵan vaksınany 6 jasynda aldy.
Qyrmyzy JUMAǴALIQYZY,
EUÝ stýdenti