ASTANA. 26 sáýir. Ortalyq saılaý komıssııasynyń ótken múshesi Lázzat Súleımen arnaıy brıfıng ótkizip, daýys berýdiń alǵashqy nátıjelerin málim etti. Bul týraly egemen.kz tilshisi habarlady.
Lázzat Súleımen: «Sizderge Ortalyq saılaý komıssııasynyń Qazaqstan Respýblıkasy Prezıdentin saılaýda saǵat 10.00-ǵa saılaýshylardyń daýys berýge kelýi týraly málimetti bermekpiz. Oblystardyń, Astana jáne Almaty qalalarynyń saılaý komıssııalarynyń usynǵan málimetterine sáıkes, 26 sáýirdegi saǵat 10-00-degi jaǵdaı boıynsha tizimge engizilgen saılaýshylardyń 19,17 paıyzy saılaý bıýlletenin aldy», – dedi.
Onyń aıtýynsha, Aqmola oblysy boıynsha – 23,48, Aqtóbe oblysy boıynsha – 16,8, Almaty oblysy boıynsha – 26,10, Atyraý oblysy boıynsha – 11,13, Shyǵys Qazaqstan oblysy boıynsha – 27,31, Jambyl oblysy boıynsha – 21,69, Batys Qazaqstan oblysy boıynsha – 12,11, Qaraǵandy oblysy boıynsha – 21,6, Qyzylorda oblysy boıynsha – 22,03, Qostanaı oblysy boıynsha – 27,61, Mańǵystaý oblysy boıynsha – 16,92, Pavlodar oblysy boıynsha – 21,32, Soltústik Qazaqstan oblysy boıynsha – 26,45, Ońtústik Qazaqastan oblysy boıynsha –13,89, Astana qalasy boıynsha – 12,92, al Almaty qalasy boıynsha – 8,33 paıyzdy quraǵan.
Eske sala keteıik, daýys berý 9 741 saılaý ýchaskesinde júrip jatyr. Saılaý ýchaskelerinen kelip túsken málimetterge qaraǵanda saılaýshylardyń belsendiligi óte joǵary.
Joldybaı Bazar.
Derek: egemen.kz.
Sýret: «24kz».