Shymkent qalasy «Bozaryq» shaǵyn aýdanynda ornalasqan jeke úıde sıntetıkalyq esirtki daıyndaý zerthanasy anyqtaldy, dep jazady Egemen.kz.
Jeke úıdi tintý kezinde zerthanalyq qural-jabdyqtar, prekýrsorlar jáne ótkizý maqsatynda zańsyz daıyndalǵan asa iri kólemdegi sıntetıkalyq esirtki zattary tabyldy.
Shamamen 10 kelige jýyq mefedron sıntetıkalyq esirtki jáne 2 tonnaǵa jýyq prekýrsorlar tárkilendi.
«Anyqtalǵan faktige baılanysty asa iri mólsherde esirtki zattardy ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, ótkizý faktisi boıynsha QR QK 297-babynyń 3-bóligimen qylmystyq is qozǵaldy», dep habarlady Shymkent qalasynyń prokýratýrasy.