Qazaqtyń belgili aqyny Baqyt Kenjeev 74 jasynda dúnıeden ótti. Qaraly habardy QR Mádenıet jáne aqparat mınıstri Aıda Balaeva Facebook paraqshasynda jetkizdi, dep habarlaıdy Egemen.kz.
О́miriniń sońǵy jyldaryn AQSh-ta ótkizgen Baqyt Kenjeev oqyrmandarynyń yqylasyna bólengen aqyndyq talantymen tanymal bolǵan.
«Baqyt Kenjeevtiń tegeýrindi poezııasyn joǵary ádebıetti súıetinder janyna jaqyn tartty. Baqyt Shúkirollauly álem ádebıetiniń klassıgine aınaldy. Aqynnyń shyǵarmalary álemniń kóptegen tiline, sonyń ishinde qazaq tiline de aýdaryldy», dep jazdy Balaeva óz jazbasynda.
Mádenıet jáne aqparat mınıstri Kenjeevtiń otbasy men jaqyndaryna kóńil aıtty.
Aqyn 1950 jyly Shymkent qalasynda dúnıege kelgen. Baqyt Kenjeev - 20-dan astam poezııalyq jáne prozalyq kitaptardyń avtory.
Aıta keteıik, ol Qazaqstannan 1982 jyly ketip, áýeli Kanadaǵa qonys aýdaryp, 2006 jyly Nıý-Iorkke qonystanǵan edi.