Aldaǵy kúnderi elimizde nóser jańbyr jaýyp, naızaǵaı oınaıdy, dep habarlaıdy Egemen.kz «Qazgıdromet» RMK baspasóz qyzmetine silteme jasap.
Sınoptıkterdiń boljamyna qaraǵanda, aldaǵy táýlikterde respýblıkanyń basym bóliginde, ásirese batys jáne soltústik-batys oblystarda qatty jańbyr jaýady, odan bólek burshaq jaýyp, ekpindi jel soǵady dep kútiledi.
«Erteń, 27 maýsymda eldiń ońtústik-batysynda jańbyr jaýady, soltústik-batysta jańbyrly aýa raıy 27-29 maýsym aralyǵynda saqtalady. 28-29 maýsymda elimizdiń batysy men soltústigi de sıklonnyń yqpalynda bolady. Respýblıkanyń shyǵysynda jáne soltústik-shyǵysynda jaýyn-shashyn kútilmeıdi», deıdi sınoptıkter.
Erteń Qazaqstannyń soltústik-batysynda, 28-29 maýsymda eldiń ońtústiginde jáne 29 maýsymda soltústik pen ortalyqta aýa temperatýrasynyń tómendeýi boljanyp otyr. Elimizdiń shyǵysy men ońtústik-shyǵysynda aptap ystyq jalǵasady, aýa temperatýrasy +40...+43 gradýsqa deıin kóteriledi.