AQTО́BE. 11 maýsym. Aqtóbede oblystyq jastar saıasaty máseleleri basqarmasynyń uıymdastyrýymen semınar óz jumysyn bastady. Bul týraly egemen.kz tilshisi habarlady.
Oqytý semınarynyń maqsaty – memlekettik jastar saıasatyn tıimdi júzege asyrý, aýdandyq jastarmen jumys jónindegi resýrstyq ortalyqtardyń jumysyn júıeleý, bir-birimen tájirıbe almasýyn qamtamasyz etý jáne Memleket basshysynyń bes ınstıtýsıonaldyq reformasyn júzege asyrýǵa baǵyttalǵan 100 naqty qadamyn jastar arasynda nasıhattaý bolyp tabylady.
Atalǵan shara «Prezıdenttik reformanyń 5 túıindi baǵyty, 100 naqty qadam» taqyrybyndaǵy plenarlyq otyryspen bastaldy. Semınar jumysy 3 seksııaǵa bólinip aqparattyq-keńistik jáne oqytý baǵdarlamasymen jalǵasady. Odan keıin jastarmen jumys jónindegi resýrstyq ortalyqtar arasynda jumys tıimdiligin arttyrý jáne jastardyń ózin-ózi damytýyna baǵyttalǵan «Aýdan jastary» atty baıqaý uıymdastyrylady. Erteń «Jastar arasyndaǵy quqyq buzýshylyqqa múldem tózbeýshilik qaǵıdatyn qalyptastyrý» jáne «Jastar uıymdarynyń qyzmetin konsaltıngtik qoldaý» taqyryptarynda trenıng ótkiziletin bolady.
Satybaldy Sáýirbaı.
Derek: egemen.kz.
Sýret: elarna.kz.