Inklıýzıvti jataqhana

Qalalyq ákimdiktiń bas­pasóz qyzmetiniń dere­gi­ne súıensek, qazir­gi kezde 35 joǵary oqý ornynda 199 myńnan astam stýdent bilim alyp­ jatqan bolsa, olardyń júz myń­nan astamyn qala syrtynan kelip oqı­tyn stýdentter quraıdy. Al mega­polıs­te 109 jataqhanada tu­ryp jatqan stýdentter sany 36 myń­nan asady.

Jataqhana jetispeýshiliginiń aldyn alý, stýdentterdi der kezinde baspanamen qamtý maqsatynda byltyr naýryz aıynda qalalyq ákimdik Ǵylym jáne joǵary bilim mınıstrligimen birlesip, jobalyq keńse ashqan bolatyn. Jobalyq keńse jataqhanalar salý men stýdentterdi turǵyn úımen qamtamasyz etý jónindegi memlekettik baǵdarlamany iske asyrý úshin qolaıly jaǵdaı jasaı otyryp, qalalyq ákimdik pen Qarjy ortalyǵy tarapynan turǵyn úı qurylysyna múddeli joǵary oqý oryndary, áleýetti ınvestorlarǵa shuǵyl zańgerlik, konsýltasııalyq, saraptamalyq kómek kórsetedi. Búginde jobalyq keńse qyzmetine 120 ınvestor júgingen. Osy maqsatta jańa oqý jylynda ashylýy josparlanyp otyrǵan Narxoz Housing ınklıýzıvti stýdenttik jataqhana qurylysyn atap ketýge bolady.

Ýnıversıtet aýmaǵynda aksıo­nerdiń óz qarajaty esebinen salynyp jatqan jataqhana bilim berý granty ári kommersııalyq negizde oqıtyn stýdentter úshin de qoljetimdi. Munda erekshe qajet­tilikteri bar stýdentterge arnalǵan arnaıy bólmeler de qarastyrylǵan. Jobaǵa sáıkes, 424 oryndyq zamanaýı jataqhanada ınklıýzıvti bólmeler, ashana, medı­sınalyq ortalyq, ınternetke qoljetimdi kovorkıng-aımaq, oqý­ǵa jáne demalýǵa arnalǵan ból­meler stýdentter úshin jaıly bolmaq.

Osylaısha, qaladaǵy oryn tap­shylyǵyn sheshýdi ýáde etip otyrǵan qalalyq ákimdik deregine súıensek, byltyr 3 969 tósektik orynǵa ar­nalǵan 14 nysan paıdalanýǵa berilip, jataqhanalarda oryn jetispeýshiligi 32,7 myńnan 28,7 myńǵa azaıyp otyr. Bıylǵy jospar boıynsha jospardaǵy kórsetkish 4 myń tósektik oryndy quraıdy. Jańa oqý jylynda ­ 1 165 tósektik orynǵa arnalǵan 5 nysan paıdalanýǵa beriletin bolady.

ALMATY