Qorǵanys mınıstrligi birqatar áskerı qyzmetshilerdiń ólimine qatysty málimdeme jasady, dep habarlaıdy Egemen.kz.
Qorǵanys mınıstrliginiń baspasóz qyzmeti merzimdi qyzmettegi áskerı qyzmetshilermen baılanysty jarııalanymdarǵa qatysty túsinikteme berdi.
- Qatardaǵy Raıan Muhtarov pen qatardaǵy jaýynger Almas Nahımovtyń ólimine qatysty derekter Ulttyq ulanda boldy jáne bul qarýly kúshtermen baılanysty emes. 2024 jyly 13 mamyrda Saryózek kentindegi 29108 áskerı bóliminde bolǵan qatardaǵy jaýynger Dosymjan Sálimjannyń qaıtys bolýyna baılanysty qylmystyq is qozǵaldy, - dep málimdedi Qorǵanys mınıstrligi ókilderi.
Onda qaza tapqan áskerı qyzmetkerdiń ata-analaryna barlyq qoldaý kórsetiletinin, barlyq tıisti ótemaqyny tóleý túrinde kómek kórsetilgenin qosty. Al qorǵanys vedomstvosy men ata-analar júrgizilip jatqan tergeý is-sharalarynyń obektıvtiligine múddeli.
- Áskerı qylmystardy tergeý barysyn Bas prokýratýra men ishki ister mınıstrliginiń tıisti bólimsheleri qadaǵalaıdy. Qarýly Kúshterdiń basshylyǵy men áskerı bólimderdiń qolbasshylyǵy tergeý áreketteri men qajetti rásimderdi júrgizýde ashyqtyq pen obektıvtilik qaǵıdattaryn ustanady, - dep tolyqtyrdy mınıstrlikte.
Eske salaıyq, 13 maýsymda qazaqstandyq merzimdi sarbaz jaraqat alyp qaıtys boldy. Oqıǵa deregi boıynsha qyzmettik tekserý taǵaıyndaldy. Qylmystyq is qozǵaldy.