О́SKEMEN. 11 maýsym. Shyǵys Qazaqstan oblysynyń ákimi Danıal Ahmetov «Shınhan Bank Qazaqstan» aksıonerlik qoǵamy basqarma tóraǵasy Choı Meng Kıýmen kezdesti. Bul týraly egemen.kz tilshisi habarlady.
Oblys ákimdigi ınvestorlarǵa negizinen óńirdiń iri eki qalasyna arnalǵan birqatar ınvestısııalyq jáne konsessııalyq jobalardy usynyp otyr. Onyń ishinde О́skemen men Semeı qalalarynda ınvestısııa tartý arqyly balabaqsha, densaýlyq saqtaý mekemeleri, mýnısıpaldy avtopark qurý jáne kóshelerdi elektr energııasyn únemdeıtin shamdarmen jańalaý syndy jobalar bar. Sondaı-aq, Kúrshim aýdanyndaǵy Buqtyrma sý qoımasymen ótetin kópir ótkeliniń qurylysy da sóz boldy.
О́ńir basshysy Qazaqstan Respýblıkasynyń «Investısııalar týraly» Zańyna sáıkes ınvestısııalyq basym jobalardyń tıimdilikteri jóninde áńgimeledi.
«Shınhan Bank Qazaqstan» AQ – qarjy qyzmeti naryǵynda usynylatyn bank operasııalarynyń barlyq túrlerin júzege asyratyn ámbebap bankterdiń biri. Onyń aksıoneri – álemdegi eń iri bankterdiń sanatyna enetin Koreıa Respýblıkasyndaǵy Shinhan Bank ekenin de aıta ketken lázim.
Dýman Anash.
Derek: egemen.kz.
Sýret: Shyǵys Qazaqstan oblysy ákimdiginiń baspasóz qyzmeti.