Oraldaǵy mádenıet jáne demalys saıabaǵy aýmaǵynda jazǵy kafe otqa orandy. BQO TJ departamentiniń baspasóz qyzmeti málimdegendeı, oqıǵa búgin bolǵan, dep habarlaıdy Egemen.kz.
Kafemen qosa, oǵan irgeles turǵan ákimshilik ǵımaratynyń tóbesi otqa oranǵan. Eshkim zardap shekpegen.
«Saǵat 09:50-de Q.Rysqulbekov kóshesi 1/4-mekenjaıynda aýmaǵy 280 sharshy metr «Ý fontana» jazǵy kafesi janyp jatqany týraly habar túsken. Sondaı-aq soǵan irgeles turǵan 25 sharshy metr ákimshilik ǵımaratynyń tóbesi de otqa oranǵan. Oqıǵa ornynan 1 kómirsýtegi ballony shyǵaryldy. О́rtti sóndirýge 20 adam, 5 tehnıka jumyldyryldy. «Tilsiz jaý» saǵat 10:15-te oqshaýlanyp, 10:32-de aýyzdyqtaldy. Zardap shekkender joq. Qazirgi kezde oqıǵanyń shyǵý sebebi, keltirilgen shyǵyn anyqtalyp jatyr», dep habarlady vedomstvodan.