Kókshetaýda aıaǵynan jaraqat alǵan 10 jastaǵy bala bir jasar inisin órtten aman alyp shyqty, dep habarlaıdy Egemen.kz Aqmola oblysy TJD baspasóz qyzmetine silteme jasap.
«Tótenshe jaǵdaı bolǵan kezde ol abdyrap qalmaı, birden úıdegi elektr qýatyn óshirip, órt sóndirýshilerdi shaqyrǵan, keıin bir jasar inisin qolyna alyp, terezeden shyǵyp ketken. Fýtbol oınap aıaǵyn jaraqattap alǵan jas qqtqarýshy sol kezde gıpspen júrgen», dep habarlady TJD baspasóz qyzmeti.
Artýr Gaıtov ózin batyr sanamaıtynyn, bul onyń azamattyq paryzy ekenin jetkizdi.
«Men garderob jaqtan bir dybysty estidim. Ol jerge júgirip baryp, órt bolyp jatqanyn kórdim. Men esikti jaýyp, inimdi alyp, alys bólmege júgirdim. Onda men qosqyshty ajyratyp, terezeden sekirdim», dedi Artýr.
Uldardyń anasy balalary úıde jıi jalǵyz qalatynyn aıtty.
Aqmola oblysy TJD bastyǵynyń orynbasary Ashat Aqyljanov QR TJ mınıstriniń jarlyǵymen 10 jasar batyrǵa «О́rtte kórsetken qaısarlyǵy úshin» medalin taqty.
Aıta keterligi, oqýshy bolashaqta qutqarýshy bolýdy qalaıtynyn atap ótti.