Ázerbaıjan Prezıdenti Ilham Álıev Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysý úshin Astanaǵa keldi. Mártebeli qonaqty QR Premer-mınıstriniń orynbasary Qanat Bozymbaev áýejaıdan kútip aldy, dep habarlaıdy Egemen.kz.
Búgingi tańda Qazaqstan men Ázerbaıjan arasyndaǵy ekijaqty taýar aınalymynyń turaqty ósimi qamtamasyz etilgen. Osylaısha, 2023 jyldyń qorytyndysy boıynsha ózara saýda 14,4%-ǵa ósip, 529,4 mln dollardy qurady. Bul úrdis bıyl da jalǵasyp, 4 aıda taýar aınalymy 0,5%-ǵa ósip, 184,9 mln teńgeni qurady.
Sondaı-aq Qazaqstan munaıyn Ázerbaıjan aýmaǵy arqyly Eýropa baǵytynda jetkizý jolǵa qoıylǵan. Osy jyldyń qańtar-sáýir aılarynda barlyǵy 494 myń tonna munaı jetkizilgen.