Sadyr Japarov 3-4 shildede ótetin ShYU sammıtine qatysý úshin Qazaqstanǵa keldi. Qyrǵyzstan Prezıdentin QR Úkimetiniń basshysy Oljas Bektenov qarsy aldy, dep habarlaıdy Egemen.kz Úkimettiń baspasóz qyzmetine silteme jasap.
ShYU sammıti aıasynda Ortalyq Azııa boıynsha, onyń ishinde energetıka, qaýipsizdik jáne taǵy basqa salalardaǵy álemdik yntymaqtastyq máseleleri talqylanady.
Buǵan deıin Qazaqstanǵa Reseı Federasııasynyń Prezıdenti Vladımır Pýtın, Birikken Ulttar Uıymynyń Bas hatshysy Antonıý Gýterrısh, Mońǵolııa Prezıdenti Ýhnaagıın Hýrelsýha, Ázerbaıjan Prezıdenti Ilham Álıev, Pákistan Premer-mınıstri Shahbaz Sharıf, Tájikstan Prezıdenti Emomalı Rahmon, О́zbekstan Respýblıkasynyń Prezıdenti Shavkat Mırzııoev ShYU sammıtine qatysý úshin kelgen edi.
Eske sala keteıik, 2 shildede Astanaǵa Qytaı Halyq Respýblıkasynyń Tóraǵasy Sı Szınpın keldi. Ony áýejaıdan Memleket basshysy Qasym-Jomart Toqaev saltanatty túrde qarsy alǵany habarlandy.
Aıta keterligi, Sı Szınpın Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysady.