Memlekettik keńesshi Erlan Qarın Qytaı Medıakorporasııasynyń bas dırektory Shen Haısıýn bastaǵan delegasııa ókilderimen kezdesti.
Erlan Qarın Prezıdent Qasym-Jomart Toqaevtyń bastamasymen júzege asyrylyp jatqan áleýmettik-ekonomıkalyq, saıası jáne mádenı-gýmanıtarlyq reformalardyń mazmuny men mán-mańyzy týraly aıtty. Sondaı-aq Memlekettik keńesshi Qazaqstannyń Qytaıdaǵy týrızm jylynyń mańyzyna toqtaldy. Osyǵan baılanysty ol Týrızm jyly aıasynda qolǵa alynǵan is-sharalar týraly jan-jaqty aqparat taratqany úshin Shen Haısıýnge rızashylyq bildirip, CCTV-4 jáne CGTN telearnalaryndaǵy birqatar jobany atap ótti.
Shen Haısıýn qonaqjaılyq kórsetkeni úshin alǵys aıtyp, Shanhaı yntymaqtastyq uıymy sammıtiniń jáne QHR Tóraǵasy Sı Szınpınniń memlekettik saparynyń joǵary deńgeıde uıymdastyrylǵanyna nazar aýdardy.
Kezdesý barysynda taraptar kóptegen máseleni talqylap, ekijaqty dıalogti ózara túsinistik pen yntymaqtastyq rýhynda jalǵastyrýǵa ýaǵdalasty.