Astanada ótken ShYU sammıti barysynda Prezıdent Qasym-Jomart Toqaev saýda-ekonomıkalyq baılanystardy keńeıtý - yntymaqtastyqtyń taǵy bir mańyzdy baǵyty ekenin aıta ketti, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy álemdik ekonomıkada jaǵymsyz úrdister beleń ala bastaǵanyn aıtty. Dúnıejúzilik banktiń málimeti boıynsha, bıyl jahandyq ekonomıkanyń ósim qarqyny báseńdeıdi. Prezıdenttiń paıymynsha, álem ekonomıkasynyń ósimine serpin beretin jańa baǵyt jáne múlde basqa damý paradıgmasy qajet.
«Sondyqtan, bizdiń oıymyzsha, saýda-ekonomıkalyq kooperasııany keńeıtý, kapıtal men tehnologııanyń erkin qozǵalysyna jaǵdaı jasaý, klımattyń syn-qaterlerimen kúresý – Shanhaı uıymynyń mańyzdy mindetteri. О́zara saýda-sattyqtyń artýy ShYU keńistigi úshin ortaq úrdiske aınalyp keledi. Máselen, Qazaqstannyń ShYU elderimen saýda kólemi ótken jyldyń qorytyndysy boıynsha 6,5 paıyzǵa ósti. ShYU-ǵa múshe elderdiń tehnologııalyq bazasy úlken jáne ekonomıkanyń barlyq mańyzdy sektorlaryn damytý úshin orasan zor naryǵy bar. Arnaıy salyq, keden jáne kóshi-qon rejımderiniń ázirlenýi atalǵan baǵytta ilgerileýge aıtarlyqtaı septigin tıgizedi. Osy rette ShYU aıasynda Ekonomıkalyq jeńildikter bazasyn qurý týraly Qazaqstannyń usynysy ózekti bolyp qala beredi. Investısııalyq jobalardy talqylap, bekitý úshin biryńǵaı alań qurý qajettigi aıqyndala tústi. «Astana» halyqaralyq qarjy ortalyǵynyń bazasynda Jobalyq qyzmetti qarjymen qamtamasyz etý mehanızmin qurýdy usynamyz. Qytaı, Reseı, Úndistan, О́zbekstan, Qyrǵyzstan qazirdiń ózinde atalǵan alańda belsendi jumys istep jatyr. Jalpy, AHQO rezıdentteriniń 20 paıyzy – ShYU-ǵa múshe memleketterdiń kompanııalary», dedi Prezıdent.Memleket basshysy tıimdi dálizder men senimdi tasymal tizbekterin qurý arqyly kólik baılanystaryn nyǵaıtýdy yntymaqtastyqtyń kelesi baǵyty retinde atady.
«Biz Qytaıdyń «Bir beldeý, bir jol» megajobasyn, Transkaspıı halyqaralyq kólik baǵdaryn jáne «Soltústik – Ońtústik», «Ortalyq Azııa – Ońtústik Azııa» baǵyttary boıynsha transeýrazııalyq dálizdi odan ári birlese damytýǵa basa mán beremiz. Bul josparlardy júzege asyrý úshin ShYU aıasynda Strategııalyq porttar men logıstıkalyq ortalyqtardyń seriktestik jelisin qurý jóninde naqty sharalar qabyldaý mańyzdy», dedi Qasym-Jomart Toqaev.