HHHIII Parıj jazǵy Olımpııa oıyndarynda semserlesýshiler jekeleı jáne komandalyq saıysta tartysqa túsedi. Ulttyq qurama bapkerleri Parıj Olımpıadasyna kimderdiń baratynyn jarııa etip, tizimdi túzdi. Shpagamen semserlesýden jekeleı synda Elmır Álimjanov, Rýslan Qurbanov, Vadım Sharlaımov júlde úshin talasady. Jekeleı synda dodaǵa qosylmaıtyn Erlik Sertaı komandalyq saıysta qurama sapyn nyǵaıtady.
Erler quramasy álem kýbogi kezeńderinde olja salyp álemdik reıtıngte aldyńǵy lekten kórinip, Parıj jazǵy Olımpıadasynyń joldamasyn ıelendi. Jigitter sońǵy jattyǵý jıynyn Ispanııanyń Almeıra qalasynda Eýropa men Azııanyń tegeýrindi komandalarymen birlesip ótkizbek.
Keıingi jyldary semserlesýshilerdiń nátıjesi jaqsaryp keledi. Rýslan Qurbanov byltyr álem chempıonatynyń qola medalin oljalap, semserlesý sportynan álemdik alamannyń júldesin alǵan alǵashqy sportshy atandy. Otyz jyldyń ishinde álem chempıonatynyń júldesi bizge buıyrmaı kelgen-di. Byltyr elimizdiń erler komandasy álem kýboginde top jaryp, jazǵy Olımpıadanyń joldamasyn ıelendi.
Áıelder synynda Áıgerim Sarybaı el senimin arqalaıdy. Birikken Arab Ámirliginde ótken lısenzııalyq týrnırde Parıj jazǵy Olımpıadasynyń joldamasyn enshilegen edi.