Medısınalyq kómektiń sapasyn baqylaıdy

Qordyń qarjysyna nebir kúrdeli operasııalar jasaldy. Medısına mekemeleri jańa qural-jabdyqtarmen tolyqty. Qysqasy, qorǵa aýdarǵan qarjy búgin ózgeni jarylqasa, erteń ózińizge, jaqyndaryńyzǵa tııýi múmkin. Iá, medısınalyq kómektiń sapasyna kelgende kóńil tolmaıtyn tustar kóp. Qorǵa qarjy aýdaryp, sapaly qyzmet almaǵan turǵyndardyń syny da oryndy. Sondyqtan qor basshylyǵy medısınalyq kómektiń sapasyna qatysty qate-kemshilikterdi baqylaýǵa, ret­teýge kúsh salyp keledi. Mysaly, jaqynda Áleýmettik medısınalyq saqtandyrý qory­nyń basshysy Ábilqaıyr Sqaqov Almatyda densaýlyq saqtaý ardagerlerimen, sarapshylarmen júzdesip, júıeni damytý tetikterin talqylady.

Kezdesýde basqarma tór­aǵasy 2024–2025 jyldarǵa ar­nalǵan qordy damytýdyń pers­­pektıvalyq josparyn ta­nys­­tyrdy. Onda MÁMS tu­raq­­­tylyǵyn qamtamasyz etý, ha­lyqty júıege tartý, monıto­rıng sapasyn arttyrý syndy má­se­­leler qamtylypty. Son­daı-aq sıfrlandyrý, qor­dyń ashyq­­tyq dárejesin kóterý syn­dy usy­nystar da josparda bar eken.

Basqosýda dárigerlerdiń júk­temesin eskergen sala sarapshylary medısına qyzmet­kerlerin kompıýterlik jumys­tan bosatý týraly usynys ­tastady. Jeke medısınalyq orta­lyqtar bas tartatyn aýyr naýqastardy qabyl­daýǵa máj­­búr bolǵan mem­le­kettik aýrýhana­lardy qoldaýdy usyndy.

Izinshe qor basshysy qala­daǵy medısınalyq uıym­dar­dyń basshylarymen kezdesti. Onda mekemelerdi ýaqtyly qarjylandyrý jáne birlesip oryndaýshylarmen qarym-qatynas jóni talqylandy.

«Bıyl almatylyqtar úshin medısınalyq kómek kórsetýge 334,7 mlrd teńge bólindi. Onyń ishinde MÁMS boıynsha – 159,6 mlrd teńge, TMKKK sheńberin­de 175,1 mlrd teńge qaral­dy. Jyl basynan beri tólem úde­ris­terin avtomattandyrý bo­ıynsha júrgizilip jatqan ju­mystardy jáne halyqqa úzdiksiz medısınalyq kómek kórsetý qajettigin eskere otyryp, biz avanstaýdy jyldyq bıýdjettiń 30%-dan 70%-ǵa deıin arttyrý jóninde buryn-sońdy bolmaǵan sheshim qabyldadyq», dedi kezdesýde Á.Sqaqov.

Osydan soń ol medısınalyq mekemelerdiń basshylaryna qorda bıyl naýryzdan bastap aýqymdy derekterdi jedel tal­daý jáne basqarýshylyq she­shimderdi tıimdi qabyldaý úshin qurylǵan Sıtýasııa­lyq-taldamalyq orta­lyqtyń jumysyn kórsetti. Onda 18 derek­­qordyń 500-ge jýyq kór­setkishi myńnan asa dashbordta – sharttar, qyzmetter, monıtorıng qorytyndylary men shaǵym­dar sany, halyqtyń úlesi jáne MÁMS júıesimen qamtý deńgeıi týraly jáne basqa da aqparat qamtylǵan. Bir sózben aıtqanda, Sıtýasııalyq-talda­malyq ortalyqtyń jumy­syn qar­jylandyrý kezeń­deri ashyq­­tyqty qamtamasyz etýge, tıim­di basqarý sheshimderin qa­byl­­daýǵa múmkindik beredi eken.

Kezdesý barysynda Á.Sqaqov densaýlyq saqtaý júıesi­niń qatysýshylary arasynda syn­darly jáne tyǵyz dıalog orna­tý­dyń mańyzdylyǵyn taǵy bir márte eske saldy. Ol kóp ke­shik­peı №5 qalalyq klını­ka­lyq aýrýhanaǵa baryp, medı­sı­na­lyq uıymdaǵy menedjment máse­le­lerine, pasıent­terdi qol­daý qyz­metteriniń ju­mysyna jáne pasıent­termen keri baılanys jaıyna erekshe nazar aýdar­dy. Sondaı-aq qor basshysy qor­dyń orta­lyq apparatynyń qyz­met­ker­­lerine jergilikti jer­lerdegi ahýalmen tanysý úshin «Dostar Med» kópsalaly medı­sı­nalyq ortalyǵyna barýdy tapsyrdy.

«MÁMS júıesine qatysatyn jeke klınıkalar pasıent al­dyn­daǵy jaýapkershilikti se­zinýge tıis. Ol úshin medı­sınalyq qyzmettiń sapasy men qoljetimdigine basa mán berý qajet. Sol kezde pasıentter medısınalyq qyzmettiń sapasyna jaqsy baǵa beredi. Eger shaǵymdar bolmasa, otandastarymyz kórsetilgen qyzmetterge qanaǵattansa, qor tarapynan medısınalyq uıymdarǵa da másele bolmaıtynyn túsi­ný qajet», dedi Á.Sqaqov medı­sı­nalyq mekeme basshylaryna.

Búginde Almatyda qormen 215 medısınalyq uıym jumys istese, onyń 124-i jekemenshik eken. Joǵaryda aıtqandaı, qor basshylyǵyna turǵyndardan túsken aryz-shaǵymdarǵa baılanysty medısınalyq mekemelerge de salmaq túsip otyr. Al medısınalyq kómektiń sapasy mamandardy qoldaý tetikteri arqyly júıelenedi. Muny jaqsy biletin qor basshylyǵy jýyqta eldiń basqa óńirlerin sharlap, medısınalyq kómek sapasyn baqylaýǵa nıetti.