Oqıǵa 2024 jyldyń 30 maýsymynda bolǵan. Aqtaý turǵyny túngi saǵat 00:00 shamasynda jedel járdem brıgadasynyń feldsherine shabýyl jasaǵan, dep habarlaıdy Egemen.kz.
Oblystyq kópsalaly aýrýhana dárigerleriniń aıtýynsha, shabýyl saldarynan jábirlenýshiniń mıy shaıqalyp, paraorbıtaldy gematoma men betinde kógerýler paıda bolǵan. Zardap shekken azamatqa medısınalyq kómek kórsetilip, ambýlatorııalyq emdeýge jiberilgen.
Mańǵystaý oblysynyń Polısııa departamenti bul oqıǵaǵa qatysty túsinikteme berdi.
«Feldsherge shabýyl jasaǵan kúdikti ustaldy. Qazirgi ýaqytta tergeý sharalary júrgizilip jatyr. Tergeý múddesine oraı ózge aqparat jarııalanýǵa jatpaıdy», delingen vedomstvo habarlamasynda.