Jaqynda belgili jazýshy Marat Májıtovtiń «Bir shókim bult» atty jyr jınaǵy jaryq kórdi. Buǵan deıin birneshe prozalyq kitap jazǵan qarymdy qalamgerdiń óleńder jınaǵy alǵash ret shyǵyp otyr.
M.Májıtovtiń esimin kóziqaraqty qaýym «Qunyskereı», «Tobanııaz», jıyrma jasynda han taǵyna otyrǵan ataqty Haqnazar han týraly kólemdi romany arqyly jaqsy biledi. Biraq qara sóz sheberine poezııa da jat emes. О́leń ólkesine de ara-tura at izin salyp qoıady. Sonaý 60-jyldardan beri qalamgerdiń toptama óleńderi respýblıkalyq gazet-jýrnaldarda jıi jarııalanyp, oqyrmandar tarapynan jyly baǵasyn alǵan. Jınaqqa engen óleńderdiń mazmuny ártúrli. Kóbinese qoǵam, ýaqyt, adamdar arasyndaǵy syılastyq, súıispenshilik máselesi kóteriledi. Sonymen birge Otan, el, týǵan jer taqyryptary da nazardan tys qalmaǵan. Kitapty paraqtap otyryp, avtordyń jan dúnıesindegi sezim bulqynystary, kóńil kúıi, qoǵamǵa, ýaqytqa degen kózqarasy aq paraqqa rııasyz jyr bolyp tógilgen. Neni jazsa da aǵynan aqtarylady.
Máselen, «Ýaqytqa naz» degen óleńin oqyp kóreıik:
«Barady, kóship kúnder, syrǵyp ýaqyt,О́mirińdi artta qalǵan buldyratyp.Bireýge ǵumyr qymbat, al bireýler,Baılyqqa, dúnıege júr qumartyp.Barady, kóship kúnder burylmaıdy,О́kpek jel shań kóterip quıyndaıdy.Del-sal ǵyp kóńilimdi ushpa ýaqyt,Bir mezet sezimimdi jyrymdaıdy.Kózde jas, kókirek sher bul álemde, Bir sátte qaıǵy-qasiret tyıylmaıdy», dep qumnan qashqan qyzyl túlkiniń quıryǵyndaı bulańdaǵan ýaqytqa naz aıtsa, «Qysqy kesh» degen óleńinde:
«Jer betin aq mamyqpen qaptap alyp,Túrge enip, ózin-ózi baptar anyq.Tóńirek ózgeshe bir sándik qurǵan,Tógilgen aı nurymen shat taranyp.Qaratpaı aq shuǵyla kóz taıdyryp,Erke jel bet sharpıdy muzdaı tunyq. Keı kezde shym etkizip tistep alar,Aıazy aq mamyqtyń jaı-jaı kúlip», dep qaqaǵan qańtardaǵy qysqy keshtiń sýretin kóz aldyńyzǵa ákeledi.
Jınaqta osyndaı kóńildi selt etkizer tyń teńeýler, beıneli sýretter, oralymdy oılar molynan kezdesedi.
Bir sózben aıtqanda, kitaptyń basty qundylyǵy – shynaıylyǵy. Al shynaıy jazylǵan kez kelgen shyǵarma adamdy birese muńǵa, birese qýanyshqa bólep, tolqytary anyq.