«QazAvtoJol» ulttyq kompanııasy jyl saıyn jaz aılarynda aýyr júk kólikteriniń qozǵalysyna ýaqytsha shekteý engizedi, dep jazady Egemen.kz.
Kompanııa bul shekteýlerge ystyq aýa raıynda jol qaýipsizdigi men jol jabynyn saqtaý sebep bolǵanyn túsindirdi.
Shekteý merzimi aımaqtaǵy aýa raıyna baılanysty 1 maýsymnan 31 tamyz, 1 maýsymnan 15 tamyz aralyǵyn qamtıdy.
Jyl saıyn 1 maýsym men 31 tamyz aralyǵynda, aýa temperatýrasy 25°S joǵary bolǵan kezde saǵat 10:00-den 22:00-ge deıin kelesi aımaqtarda júk kólikteriniń qozǵalysyna shekteý engiziledi:
Almaty oblysy; Atyraý oblysy; Jambyl oblysy; Jetisý oblysy; Ulytaý oblysy; Qyzylorda oblysy; Túrkistan oblysy; Mańǵystaý oblysy.Al 1 maýsym men 15 tamyz aralyǵynda, aýa temperatýrasy 25°S joǵary bolǵan kezde saǵat 11:00-den 21:00-ge deıin myna aımaqtarda júk kólikteriniń qozǵalysyna shekteýler engiziledi:
Abaı oblysy; Aqmola oblysy; Aqtóbe oblysy; Shyǵys Qazaqstan oblysy; Batys Qazaqstan oblysy; Qaraǵandy oblysy; Qostanaı oblysy; Pavlodar oblysy; Soltústik Qazaqstan oblysy.«QazAvtoJol» osy erejeler saqtalǵanda joldar uzaq qyzmet etýip qana qoımaı, jóndeý jumystaryna ketetin shyǵyn azaıatynyn alǵa tartty.