Búgin – 13 shildede grant konkýrsyna qatysý úshin ótinishter qabyldaý bastaldy, dep habarlaıdy Egemen.kz.
Memlekettik bilim berý grantyn berý jónindegi konkýrsqa qatysý úshin qujattardy qabyldaý 2024 jylǵy 13-24 shilde aralyǵynda júzege asyrylady. Konkýrsqa qatysý úshin ótinishti joǵary jáne joǵary oqý ornynan keıingi bilim berý uıymdarynyń qabyldaý komıssııalary arqyly, sondaı-aq, onlaın rejıminde «Elektrondyq úkimet» portaly arqyly berýge bolady, dep málimdedi Ǵylym jáne joǵary bilim mınıstrligi.
2023-2024 oqý jylyna joǵary bilimniń bilim berý baǵdarlamalary boıynsha oqý úshin barlyǵy 78219 grant bólindi. Onyń ishinde Qazaqstan Úkimeti aıqyndaǵan óńirlerge qonys aýdaratyn aýyl jastary qatarynan Qazaqstan azamattaryn oqytýǵa 3903 grant bólindi, – dep tolyqtyrdy vedomstvo.
Sondaı-aq, halqy tyǵyz ornalasqan, batys ári jańadan qurylǵan óńirlerden jastardy oqytý úshin 5000 nysanaly grant bólindi, onyń ishinde Atyraý oblysynan kelgender úshin – 1500 grant, Mańǵystaý oblysynan – 2000, Túrkistan oblysynan – 600, Abaı qalasynan – 300, Shymkent qalasynan – 300, Jetisý qalasynan – 300, Ulytaý qalasynan – 300 grant daıarlaýdyń mynadaı baǵyttary: pedagogıkalyq ǵylymdar, matematıka jáne statıstıka, jaratylystaný ǵylymdary, aqparattyq-kommýnıkasııalyq tehnologııalar, ınjenerlik, óńdeý jáne qurylys salalary boıynsha bólindi.
Shalǵaı óńirlerden kelgen talapkerlerge yńǵaıly bolý úshin joǵary jáne joǵary oqý ornynan keıingi bilim berý uıymdarynda vırtýaldy qabyldaý komıssııalary jumys isteıdi. Olar beınebaılanys arqyly konsýltasııa beredi ári konkýrsqa qujattardy tapsyrýǵa kómektesedi. Bilim berý grantyn taǵaıyndaý konkýrsyna qatysý úshin eń tómengi upaılar tómendegi silteme boıynsha qoljetimdi.