15 shildede ótken brıfıngte Ishki ister mınıstrliginiń resmı ókili Shyńǵys Álekeshev 2024 jyldyń alty aıyndaǵy jol qozǵalysy erejelerin buzý statıstıkasyn jarııalady. Onyń aıtýynsha, kólikti masań kúıde júrgizý saldarynan 178 jol-kólik oqıǵasy bolǵan, dep habarlaıdy Egemen.kz.
Shyńǵys Álekeshev Qazaqstanda 1,3 mıllıon beınebaqylaý kamerasy bar ekenin eske saldy. Osylaısha, avtomatty tirkeý júıesi jarty jylda 3,9 mıllıon jol qozǵalysy erejesin buzýdy tirkegen.
«Ishki ister mınıstrligi «Qorǵaý» baǵdarlamalyq jasaqtamasyn jasap shyǵardy, ol polısııaǵa zań buzýshylardy anyqtaýǵa jáne olarmen jedel profılaktıkalyq jumys júrgizýge múmkindik beredi. Osylaısha, 2024 jyldyń basynan beri «Qorǵaý» baǵdarlamasy boıynsha 339 myńnan astam kólik tekserildi, 20 myńnan astam ákimshilik quqyq buzýshylyq anyqtaldy, 9 myńǵa jýyq kólik aıypturaqqa jiberildi, jalǵan nómirli 173 kólik tirkeldi», dedi Shyńǵys Álekeshev.
Onyń aıtýynsha, polıseıler de kólik tártibin kúsheıtý sharalaryn qolǵa alǵan.
«Alty aıda 12 myńnan astam mas júrgizýshi ustalyp, kólik júrgizý quqyǵynan aıyryldy. Osyǵan baılanysty jyl basynan beri 178 jol-kólik oqıǵasy tirkelip, 26 adam kóz jumdy», dep túıindedi vedomstvonyń resmı ókili.