Memleket basshysy Ulttyq bank tóraǵasy Tımýr Súleımenovty qabyldady. Qasym-Jomart Toqaevqa Ulttyq banktiń bıylǵy jartyjyldyqta júzege asyrǵan aqsha-kredıt saıasatynyń qorytyndysy týraly esep berildi, dep jazady Egemen.kz.
Tımýr Súleımenov Prezıdentke Qazaqstandaǵy jáne álemdegi ekonomıkalyq jaǵdaıdyń damý barysy jáne ınflıasııanyń qarqyny men ony turaqtandyrý sharalary jóninde baıandady.
Ulttyq bank tóraǵasy jyldyq ınflıasııanyń báseńdegenin jáne ishki ekonomıkada proınflıasııalyq faktorlardyń saqtalyp otyrǵanyn aıtty. Sonymen qatar Biryńǵaı jınaqtaýshy zeınetaqy qorynyń aktıvteri men altyn-valıýta rezervteriniń jaı-kúıine toqtaldy.
Budan bólek, Ulttyq tólem júıesi men ashyq bankıng prınsıpterin damytý jáne el azamattarynyń qarjysyn alaıaqtardan qorǵaý úshin antıfrod-ortalyq qurý jobalaryn júzege asyrýǵa qatysty Memleket basshysy bergen tapsyrmalardyń oryndalý barysy týraly aıtyldy.
Kezdesý sońynda Qasym-Jomart Toqaev Ulttyq banktiń qyzmetine, sonyń ishinde ınflıasııany odan ári turaqtandyrý jáne sıfrlyq qarjylyq ınfraqurylym jasaý jóninde birqatar tapsyrma berdi.