16 shildede óńir basshysy Nurdáýlet Qılybaı Aqtaý qalalyq máslıhatynyń depýtattaryna qala ákimi qyzmetine úmitkerdi tanystyrdy, dep habarlaıdy Egemen.kz.
Usynylǵan kandıdatýrany qalalyq máslıhat depýtattary qoldaǵan. Mańǵystaý oblysy ákiminiń ókimimen Prezıdent Ákimshiliginiń kelisimi boıynsha Ábilqaıyr Janauly Baıpaqov Aqtaý qalasynyń ákimi qyzmetine taǵaıyndaldy.
Ábilqaıyr Baıpaqov 1978 jyly Mańǵystaý oblysy Shetpe aýylynda dúnıege kelgen. Ol Sh.Esenov atyndaǵy Aqtaý ýnıversıtetin, Halyqaralyq eńbek akademııasyn «Tarıh jáne quqyq», «Memlekettik jáne jergilikti basqarý» mamandyqtary boıynsha bitirgen.
Eńbek jolyn 1999 jyly Sh.Esenov atyndaǵy Aqtaý ýnıversıtetiniń tarıh jáne fılosofııa kafedrasynyń oqytýshysy bolyp bastaǵan.
2023 jyldan búgingi kúnge deıin Mańǵystaý oblysynyń mádenıet, tilderdi damytý jáne muraǵat isteri basqarmasynyń basshysy qyzmetin atqarǵan.
Buǵan deıin bul qyzmetti atqarǵan Ulyqbek Tnalıev qyzmetinen óz erkimen ketken edi.