Tarıhı dúnıeni Aqmola oblysy Sandyqtaý aýdany tótenshe jaǵdaılar bóliminiń qyzmetkerleri «Orman» profılaktıkalyq is-sharasy kezinde tapty, dep habarlaıdy Egemen.kz.
Qutqarýshylar ormanda adamnyń beınesi qashalǵan erekshe tas tapqan. Olar birden tabylǵan zat týraly Aqmola oblysynyń Tótenshe jaǵdaılar departamenti men tarıhı-ólketaný murajaıyna habarlaǵan. Budan soń bul artefaktige astanalyq ǵalymdardan bólek sheteldik ǵalymdardyń da qyzyǵýshylyq týdyrǵany belgili boldy.
Ázirge ejelgi músinshiniń jumysy qaı dáýirge jatatyny belgisiz. Ǵalymdar túrli pikir aıtyp jatyr. Bireýler bul tasty qola dáýirine, endi bireýler ony keıingi túrki dáýirine jatqyzady. Keı ǵalymdardyń aıtýynsha, bul tastyń Sibirden tabylǵan oljalarmen uqsastyqtary bar.
Aqmola oblysynda tabylǵan bul kóne artefakt tarıhı qundy dúnıe dep baǵalanyp, memlekettik qorǵaýǵa alyndy.