Bıyl maýsym aıynda elimiz boıynsha 18 jyl burynǵy rekord jańartyldy, dep habarlaıdy Egemen.kz.
Mamandardyń aıtýynsha, jaýyn-shashynnyń shamadan tys túsýi eldiń soltústik jartysynda tirkelse, ońtústik bóliginde qurǵaqshylyq baıqalǵan.
Sınoptıkterdiń málimetinshe, aıdyń kóp bóliginde elge Qara jáne Jerorta teńizderinen jyly aýa massalary kirgen.
«Kóptegen óńirde órt qaýpi joǵary boldy. Aıdyń ortasy men aıaǵynda rekordtyq joǵary aýa temperatýrasy baıqaldy», dep habarlady «Qazgıdromet» RMK baspasóz qyzmeti.
Mysaly, kúndiz elimizdiń batysy men ońtústiginde termometr +35+43°C, soltústik jáne ortalyq oblystarda +30+40°C deıin kóterildi.
9 maýsymda Qyzylordada termometr kórsetkishi +40,5°C-qa jetip, 2016 jylǵy rekordty (+40,1°C) jańartty. 17 maýsymda Aqtóbede 2006 jylǵy rekordtan asyp, +39,2°C boldy, aldyńǵysy +38,5°C bolǵan. Atyraýda 18 maýsymda aýa temperatýrasy +41,5°S-qa deıin kóterilip, 2010 jylǵy rekordty (+41°S) jańartty.
Sondaı-aq 27 maýsymda respýblıkanyń ortalyǵy men ońtústik oblystarynda 2014 jylǵy rekordtar jańartyldy.
Jezqazǵan meteostansııasynda +40,5°S baıqalsa, burynǵy rekord +39,6°C boldy. Qyzylordada aýa temperatýrasy +42,6°S-qa deıin ysyp, +41,5°S-tan asty. Túrkistanda jańa rekord +42,5°C bolsa, aldyńǵy +41,5°C bolǵan.
28 maýsymda Almatyda aýa temperatýrasy +37°C-qa jetti, osylaısha 2014 jylǵy rekord (+35,5°C) jańardy.
Astanada bir aıdaǵy ortasha aýa temperatýrasy +21,8°S boldy, bul normadan 2,2°S joǵary boldy, al norma +19,6 gradýs.
Eń joǵary aýa temperatýrasy 28 maýsymda tirkeldi (+36,5°C); 2014 jylǵy rekord jańartyldy – +35,4°C. Elordada eń tómengi aýa temperatýrasy 1 maýsymda +6,2°C boldy.