Qazaqstan azamattaryna ekologııany qoldaý maqsatynda kóliksiz bir kún ótkizý usynyldy, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Mınıstrlik el azamattaryn «Taza Qazaqstan» respýblıkalyq ekologııalyq aksııasy aıasynda 22 shildede ótetin «Avtokóliksiz kún» chellendjine qosylýǵa shaqyrǵan. Shara «Birgemiz: Taza Alem» ulttyq jobasy aıasynda uıymdastyrylyp, jeke kóliksiz júrip, aýanyń lastanýyn jáne ýly gazdardyń bólinýin azaıtýǵa sebep bolmaq.
Chellendjge qatysýshylar kúni boıy kólik paıdalanýdan bas tartýy kerek. Uıymdastyrýshylar qoǵamdyq kólikpen, velosıpedpen, skýtermen nemese jaıaý júrýge keńes beredi.
Chellendjge qatysý úshin #Kóliksiz kún heshtegterin paıdalanyp jáne uıymdastyrýshylardy @birgemiz_taza_alem2022 belgilep, áleýmettik jelilerde kóliksiz ótken kúnińizdiń fotolaryn nemese vıdeolaryn ornalastyrýyńyz kerek. Osylaısha, árbir qatysýshy ekologııalyq bastamany qoldaıtynyn kórsetip, basqalardy da qatysýǵa shabyttandyrady.