Mańǵystaý oblysynda muǵalimderden aqsha jınaǵan mektep basshylyǵyna qatysty tergeý bastaldy, dep habarlaıdy Egemen.kz.
«Munaıly aýdanynyń prokýratýrasy «№3 arnaıy mektep» KMM tekserý nátıjeleri boıynsha mekeme basshylyǵy tarapynan birqatar zań buzýshylyqty anyqtady. Máselen, mektep basshylyǵy aı saıyn qyzmetkerlerden mobıldi qosymshalar arqyly aqsha qarajatyn zańsyz jınaýdy júzege asyrǵan», dep habarlady Mańǵystaý oblysynyń prokýratýrasy.
Sonymen qatar resmı ókimder shyǵarý jáne jeke tulǵalarǵa artyq syılyqaqylar esepteý negizinde aqsha qarajatyn zańsyz aýdarý faktileri anyqtalǵan. Sondaı-aq mektep dırektory da qaramaǵyndaǵylardy ózine salynǵan ákimshilik aıyppuldy tóleýge májbúrlegen.
Atalǵan arnaıy mekteptiń laýazymdy tulǵalaryna qatysty qyzmettik ókilettikterin asyra paıdalaný faktisi boıynsha Qylmystyq kodekstiń 361-baby «Qyzmettik ókilettikterdi teris paıdalaný» boıynsha sotqa deıingi tergeý amaldary bastalǵan.