Búgin saǵat 07:50 shamasynda qutqarýshylar sýǵa batyp ketken 2010 jyly týǵan jasóspirimniń máıitin sýdan shyǵardy, dep habarlaıdy Egemen.kz.
Buǵan deıin 20 shildede Jaıyq ózeniniń boıyndaǵy Kókarna yqshamaýdany mańynda 2010 jáne 2011 jyly týǵan eki jasóspirim tyıym salynǵan jerde shomylý kezinde sýǵa batyp ketken. Tótenshe jaǵdaılar qyzmetiniń qutqarýshylary sol kúni saǵat 19.30-da 4,5 metr tereńdikten 2011 jyly týǵan jasóspirimniń máıitin alyp shyqqan.
Atyraý oblysy TJD habarlaýynsha, izdeý jumystaryna jeke quramnyń 15 adamy men 5 sý kóligi jumyldyrylǵan.
Oqıǵaǵa baılanysty jáne azamattardyń qaýipsizdigin qamtamasyz etý maqsatynda Tótenshe jaǵdaılar departamenti Atyraý oblysynda 2024 jyly sýǵa túsý maýsymy ashylmaǵanyn habarlady. Olar barlyq oblys turǵyndary men qonaqtaryn saqtyq sharalaryn saqtaýǵa, ruqsat etilmegen jáne jabdyqtalmaǵan jerlerde sýǵa túspeýge shaqyrdy.