Almaty oblysy Naýryzbaı aýdanyndaǵy jeke úılerdiń birinde sıntetıkalyq esirtki daıyndalǵan, dep habarlaıdy Egemen.kz.
Úıdi tintý kezinde turǵyn úıdiń jertólesinde shyny ydystar, prekýrsorlar, hımııalyq zattar men sıntez qaldyqtary salynǵan kanıstrler, tarazylar, aralastyrǵysh, sıntez kamerasy, qoıý-sary tústi suıyqtyq salynǵan ydystar, tynys alý organdaryna arnalǵan maskalar, hımııalyq jumystarǵa arnalǵan kombınezon jáne basqa da jabdyqtar anyqtaldy.
Kúdiktige onyń eki tanysy kómekteskeni jedel anyqtaldy.
Sot-hımııalyq saraptamasynyń qorytyndysyna sáıkes tárkilengen zattar mefedron ekeni belgili boldy, prekýrsordyń jalpy salmaǵy 7 keliden asady.
Atalǵan derek boıynsha Naýryzbaı aýdandyq polısııa basqarmasy sotqa deıingi tergeý amaldaryn júrgizip jatyr.
Kúdiktiler qamaýǵa alyndy.