Grýzııada EuPhO Eýropalyq fızıka olımpıadasy aıaqtaldy. Qazaqstan oqýshylary taǵy tórt medal ıelenip, jeńis qorjynyn tolyqtyrdy, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
Almaty qalasy FMB NZM 11-synyp oqýshysy Bekasyl Elýbaı men Astana qalasy RFMM 10-synyp oqýshysy Altaır Aqanov kúmis medal jeńip aldy.
Sondaı-aq N.Nurmaqov atyndaǵy Qaraǵandy oblystyq mamandandyrylǵan mektep-lıseı-ınternatynyń 9-synyp oqýshysy Nurgúl Egenbergenova men Atyraý qalasynyń № 1 «Bilim-Innovasııa» mektep-ınternatynyń 10-synyp oqýshysy Nurasyl Barlybaev qola medal enshiledi.
Eske salaıyq, Eýropalyq fızıka olımpıadasy joǵary synyp oqýshylary arasynda ótedi. 2023 jyly elimizdiń komandasy 1 kúmis, 2 qola jáne 1 Qurmet gramotasyn jeńip alǵan edi.