Astana qalasynyń turǵyny Bekturov kóshesi, 17 mekenjaıyndaǵy turǵyn úıdiń 14-shi qabatynan sekirmek bolǵan er adam 15 táýlik merzimge ákimshilik qamaýǵa alynǵan, dep habarlaıdy Egemen.kz.
Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń baspasóz qyzmetiniń habarlaýynsha, 22 shildede sot otyrysy barysynda er adam kinásin tolyq moıyndap, jasaǵan isine ókingen. Onyń aıtýynsha, ol mas kúıinde bolǵan jáne jubaıyn qorqytqysy kelgen.
«Sot qaýlysymen er adam ÁQBtK – niń 434-baby 1-bóligi boıynsha Ákimshilik quqyq buzýshylyq jasaǵany úshin kináli dep tanylyp, 15 táýlik merzimge ákimshilik qamaýǵa alyndy», delingen habarlamada.
Sot úkimi zańdy kúshine engen joq.