Búgin Úkimet otyrysynda Premer-mınıstr Oljas Bektenov birneshe oblys ákimine eskertý jasady, dep habarlaıdy Egemen.kz.
Jıynda sóz sóılegen Úkimet basshysy aýyl medısınasyna jańa medısınalyq mekemelerdi jappaı engizý jáne medısına kadrlarynyń belsendi aǵyny qajet ekenin atap ótti.
«Ákimdikter barlyq nysandardyń qurylys jumystarynyń ýaqytyly jáne sapaly júrgizilýine kúndelikti baqylaýdy kúsheıtý qajet. Bul rette Qaraǵandy, Aqtóbe, Pavlodar, Batys Qazaqstan, Almaty oblystary men Jetisý oblysy ákimderiniń nazaryn aýdarý qajet. Ásirese soltústik óńirler úshin qurylys maýsymy jaqyn arada aıaqtalatynyn eskerińizder», dedi Premer-mınıstr.