19 maýsym kúni Almatydaǵy QazUÝ aýmaǵynda ornalasqan sýburqaqta 17 jastaǵy bala qaıtys bolǵan edi. Arnaıy taǵaıyndalǵan medısınalyq saraptama ólim sebebin anyqtady, dep jazady Egemen.kz.
Ońtústik-Shyǵys óńiri boıynsha aımaqaralyq sot-saraptama ortalyǵy dırektorynyń emdeý isi jónindegi orynbasary Meıirjan Baısadyqov saraptama nátıjesin jarııa etti.
«Bala sýǵa batqanda onyń tynys alý joldary sýmen bitelip, mehanıkalyq asfıksııa bolǵan. О́lim sebebi - osy», dedi Meıirjan Baısadyqov.
Ekspert «jasóspirim ólimine sýburqaqtaǵy toktyń áser etýi múmkin be?» degen saýalǵa jaýap bere almaıtynyn aıtty.
«Tok soǵýǵa qatysty pikir aıta almaımyz. Bul bizdiń quziretimizge kirmeıdi. Biz tek ólimniń sebebin ǵana anyqtaımyz», dedi ol.