Belgııalyq áıel asyrap alǵan Jánibek aýysyp ketýi múmkin. Kúdikke túrtki bolǵan málimetterdi jýrnalıst Qymbat Dosjan áleýmettik jelidegi paraqshasynda jarııalady, dep jazady Egemen.kz.
Jýrnalıst Arqalyq jáne Atbasar qalasynyń halqynynan kómek surap, Battalova Janna Bekenova esimdi turǵynǵa Arqalyq qalalyq polısııa basqaramsy men «Barmysyń, baýyrym» habarynyń redaksııasy izdeý jarııalaǵanyn málimdedi.
Arhıv qujattarynan Jánibektiń anasy bolýy múmkin azamattyń qolhaty tabylǵan. Buǵan deıin Jánibektiń anasy bolýy múmkin Jazıranyń DNQ saraptamasy 0 paıyz kórsetken edi. Redaksııa Janna men Jazıranyń balalary aýysyp ketýi yqtımal ekenin alǵa tartady. Sondaı-aq eki ananyń perzenti bir kúnde balalar úıine tapsyrylǵan.
«Biz nege Janna Battalovany izdep otyrmyz? Jaýaby: Tabylǵan málimetter arasynda Danııardyń fotosy bar. Esterińizge salsaq, Jánibektiń qujatynda anasy dep jazylǵan «Jazıra» byltyr jeltoqsanda tabyldy. Ol áıel 2002 jyldyń qańtarynda perzenthanaǵa qujatsyz jedel járdemmen baryp, bosanyp balanyń esimin «Jánibek» dep qoıyp, 4 kúnnen keıin dárigerlerge aty-jónin ótirik aıtyp, qolhat jazyp, perzenthanadan ketip, sol kúıi oralmaǵan, ony ózi moıyndap otyr», dep jazdy Qymbat Dosjan.
Buǵan deıin Jánibekti asyrap alǵan belgııalyq Valerıdiń ómirden ótkenin habarlaǵan edik.