Osy jyldyń qańtar aıynda Pavlodar oblysyndaǵy «Maıqaıyńaltyn» AQ aýmaǵynda jer astyna túsip ketken avtobýs qańqasy 7 aıdan keıin tabyldy, dep jazady Egemen.kz.
Pavlodar oblysy ákimdiginiń baspasóz qyzmeti kásiporyn aýmaǵynda izdeý-qutqarý jumystary jalǵasyp jatqanyn habarlady.
«24 shilde kúni keshki ýaqytta avtobýs qańqasy tabyldy. Keshe jańbyr jaýyp, jel soqqan edi, osyǵan baılanysty qutqarý jumysy toqtatylǵan edi. Búgin tańǵy saǵat 5:00-de qazý jumystary jalǵasty. Qazir biz kóliktiń aldyńǵy jaǵyna jettik, betinde bamper men dóńgelegi kórinip tur», delingen ákimdik habarlamasynda.
Aıta keteıik, tótenshe jaǵdaı saldarynan jer astyna túsip ketken tórtinshi qutqarýshy, 55 jastaǵy júrgizýshi Aıyp Tileýbergenovtiń denesi áli tabylǵan joq.