ATYRAÝ. 21 qańtar. Atyraý qalasynda jolaýshylardy tasymaldaıtyn «Gazel» kóligi otqa oranyp, túgi qalmastan janyp ketti. Bul týraly egemen.kz tilshisi habarlady.
Qala ortalyǵyndaǵy Moldaǵulova jáne Álıev kósheleriniń qıylysynda oryn alǵan oqys oqıǵa saldarynan jolaýshylar da, kólik júrgizýshisi de zardap shekken joq.
№11 baǵytpen jolaýshy tasymaldap júrgen «Gazel» kóliginde tutanǵan qyzyl jalyndy kórgen jolaýshylar dereý dalaǵa shyǵyp úlgergen. Al tez kúsh alǵan órt kóliktiń túgin qaldyrmaı, ilezde kúlge aınaldyrdy.
Ázirge jolaýshylar kóliginiń órtenýine ne sebep bolǵany belgisiz. 2007 jyly shyqqan kóliktiń elektr togy zaqymdaný múmkindigi joqqa shyǵarylmaıdy.
Joldasbek Shópeǵul.
Derek: egemen.kz.
Sýret: azh.kz.