Saqtandyrýshylar órt bolǵan monsha kesheniniń jóndeý shyǵyndaryn ótegen. Qaraǵandyda túnde Gapeev kóshesindegi eki qabatty ǵımaratta órt shyqqany týraly habarlama 3 saǵat 24 mınýtta kelip túsken. Bir saǵattan keıin órt sóndirilgen, dep habarlaıdy Egemen.kz.
TJM mamandary órt oshaǵy monshanyń ekinshi qabatynda ornalasqan erler bólimshesindegi peshtiń janyndaǵy bý bólmesinde bolǵanyn anyqtaǵan. Saldarynan qabyrǵalar men tóbelerdiń aǵash qaptamasy tutanǵanǵa deıin qyzyp ketken.
О́rt erlerdiń bý bólmesi, basseın, kıim aýystyratyn bólme, demalys bólmeleri, qosalqy bólmelerdi sharpyǵan. Anyqtalǵandaı múlik saqtandyrylǵan, nátıjesinde keltirilgen zalal 108,3 mln teńgeni qurady. Monshanyń bir bóligi ǵana órtenip ketken, alaıda keltirilgen shyǵyn eleýli. Sebebi baǵalaýdy júrgizgen táýelsiz mamandardyń derekteri boıynsha órt 60 mln teńgeden astam turatyn peshti joq qylǵan.
Jusan Garant monsha kesheniniń ıesine 75 mln teńge tólegen, qalǵan 33,3 mln teńgeni Eýropalyq saqtandyrý jáne qaıta saqtandyrý kompanııalary qaıta saqtandyrý sharty boıynsha ótegeni belgili boldy.
Ulttyq bank málimetine sáıkes, 2024 jyldyń bes aıynda Jusan Garant óz klıentterine múlikti erikti saqtandyrý boıynsha 828 mln teńge tólegen. Kompanııa eldegi saqtandyrýshylar arasynda saqtandyrýdyń osy túrindegi tólemder boıynsha 2-orynda.
Aıta keteıik, Jusan Garant osy jyldyń qańtar-mamyr aılarynda 8,7 mlrd teńge kóleminde zalaldy ótep jáne tólemder boıynsha úzdik 3 saqtandyrý kompanııasynyń qataryna kirgen.