ASTANA. 22 qańtar. Erteń, 23 qańtarda saǵat 11.00-de Ulttyq akademııalyq kitaphanada Qanat Tasıbekovtyń «Sıtýatıvnyı kazahskıı II t., Dıalogı» kitabynyń tusaýkeseri ótedi. Bul týraly egemen.kz tilshisi habarlady.
Avtordyń buǵan deıin «Sıtýatıvnyı kazahskıı I t., Mır kazahov» dep atalatyn kitaby 15 000 danamen jaryq kórip, qazaqstandyq bestsellerge aınalǵan. «Ekspert Kazahstan» ınternet-portalynyń áleýmettik zertteýi boıynsha, Qazaqstan halqynyń ulttyq dúnıetanymyn kórsetetin 100 kitaptyń qataryna engen. Avtordyń ózi qazaq tilin úıretýdiń ádistemesin damytqan eńbegi úshin «Til janashyry» qurmet belgisimen marapattalǵan.
«Sıtýatıvnyı kazahskıı II t., Dıalogı» kitaby aty aıtyp turǵandaı, oqýlyqtarǵa arnalǵan jasandy taqyryptaǵy dıalogtardan tys, naǵyz ómirde kezdesetin sıtýasııalyq jaǵdaıdaǵy suhbattardy qamtıdy.
Tusaýkeser kezinde qazaq tilin úıretýdiń tyń ádisteri boıynsha qyzyqty ári erkin pikir almasýlar bolyp, BAQ ókildiriniń suraqtaryna jaýaptar beriledi.
Joldybaı Bazar.
Derek: egemen.kz.
Sýret: kazlib.nabrk.kz.