Klımattyń ózgerýine qosqan úlesi úshin Nobel syılyǵyn alǵan Re Kvon Chýng «Berel» qoryq-murajaıyna bardy. Sapar barysynda Ońtústik Koreıadan kelgen qonaq Uly dalanyń myńjyldyq tarıhyna, saqtar men túrkilerdiń mádenıetine tánti boldy, dep habarlaıdy Egemen.kz.
«Ekskýrsııa barysynda «Berel» Qazaqstan aýmaǵynda organıkalyq zattar tabylǵan jalǵyz eskertkish ekeni aıtyldy. Murajaıdan kóshpendi aqsúıekterdiń qabirleri men erekshe skıf-sibirlerdiń ań stılinde jasalǵan joǵary kórkem buıymdary tabylyp, kópke tanymal boldy», dep málimdedi Mádenıet jáne aqparat mınıstrliginiń baspasóz qyzmeti.
Sondaı-aq qonaqtarǵa erte temir dáýirinde ómir súrgen kóshpelilerdiń kıimi, at ábzelderi, aǵashtan jasalǵan buıymdar, er-toqym, mata, aǵash ydys-aıaq, bylǵary jáne kıizden jasalǵan buıymdar sııaqty biregeı eksponattar tanystyrylǵan.
Aıta keterligi, jyl basynan beri «Berel» qoryq-murajaıyna bes myńǵa jýyq týrıst kelgen.