Iаssy qalasynda (Rýmynııa) WTA-250 sanatyndaǵy týrnır ótip jatyr. Qazaqstan tennısshisi Anna Danılına juptyq saıysta fınaldyq kezdesýin ótkizdi, dep habarlaıdy Egemen.kz.
Sheshýshi oıynda elimizdiń eń myqty tennısshisi reseılik sportshy Irına Hromachevamen birge Aleksandra Panova – Iаna Sızıkova (Reseı) dýetin 6:4, 6:2 esebimen utty.
Kezdesý bir saǵat 15 mınýtqa sozyldy. Rýmynııada ótken týrnırde Anna men Irına birinshi, al Sızıkova men Panova ekinshi orynnan kórindi.
Bul - Annanyń WTA týrnırlerindegi juptyq syndaǵy segizinshi oljasy. Buǵan deıin ol Sıdneıde (WTA500), Oklendte (WTA 250), Gambýrgte (WTA 250), Varshavada (WTA 250), Gdanskide (WTA 250) jáne Italııada ótken 125 sanatyndaǵy eki týrnırde jeńiske jetken.