2025 jyly Saýd Arabııasynda kıbersporttan alǵash ret olımpıada ótedi. Ol qandaı sport deısiz ǵoı? Bul – kompıýter arqyly jekeleı nemese komandamen oınalatyn jarys. Iаǵnı qatysýshylar bir-birimen shynaıy emes, vırtýaldy ómirde baq synasady.
Mundaı sheshim Parıjde ótken Halyqaralyq olımpıada komıtetiniń 142-sessııasynda qabyldandy. Komıtet músheleri jarysty eki jylda bir ret ótkizýdi usyndy. «Olımpıadalyq kıbersport oıyndarynyń qurylǵanyn rastaı otyryp, biz sıfrlyq revolıýsııa qarqynyna ilesemiz. Kıbersport qaýymdastyǵy bul bastamaǵa qulshynyspen qaraıdy. Halyqaralyq komıtet pen Saýd Arabııasy osy vırtýaldy báseke aıasynda 12 jyl seriktes bolady», dedi Halyqaralyq Olımpıada komıtetiniń prezıdenti Tomas Bah.