QR Ǵylym jáne joǵary bilim mınıstri Saıasat Nurbek bıylǵy Ulttyq biryńǵaı testileýde 140 ball jınaǵan ekinshi talapker – Aqmola oblysy Qosshy qalasynyń túlegi Aıym Erjanovany quttyqtady, dep habarlaıdy Egemen.kz.
Bul jetistik IELTS halyqaralyq sertıfıkatynyń baldaryn UBT baldaryna aýystyrý jáne UBT nátıjesin esepke alý arqasynda múmkin boldy.
«Aıym Erjanovany erekshe jetistigimen quttyqtaımyn. Bul - qajyrly eńbek pen bilimge degen umtylystyń nátıjesi. Sizdiń jetistigińiz barlyǵymyzdy shabyttandyrady jáne jas talanttardyń halyqaralyq arenada úlken bıikterge jetýge qabiletti ekenin kórsetedi. Sizge oqýda jáne bolashaq mansapta odan ári tabys tileımin!», dedi mınıstr.Mınıstrmen kezdesýge Aıymnyń jaqyndary da keldi, olar UBT nátıjesin bilgende qatty qýanǵanyn jáne úmitteri aqtalǵanyn aıtty.