Sý tasqynynan zardap shekkenderdi qoldaý jáne turǵyn úıdi qalpyna keltirý jumystary Úkimettiń turaqty baqylaýynda tur, dep jazady Egemen.kz Úkimettiń baspasóz qyzmetine silteme jasap.
Búginde barlyq oblysta turǵyn úı men saıajaı qurylysyn tekserý jáne baǵalaý jumysy tolyǵymen aıaqtalǵan.
Tasqynnan zardap shekkenderge 4 790 salynǵan jáne satyp alynǵan úı men páter berildi.
Soltústik Qazaqstan oblysynda − 235, Qostanaı oblysynda – 57, Aqtóbe oblysynda – 26, Pavlodar oblysynda – 5, barlyǵy 323 otbasy jańa úıdiń kiltin aldy.
Qostanaıda − 315, Aqmolada – 219, Atyraýda – 1372, Aqtóbede – 447, Soltústik Qazaqstanda – 1102, Batys Qazaqstanda – 1004, Qaraǵandyda – 6, Pavlodarda – 2, barlyǵy 4 467 otbasy úshin qıraǵan baspana ornyna jańa úı men páterler satyp alynǵan.
Komıssııa sheshimderi boıynsha jalpy somasy 48,2 mlrd teńgege 8 717 otbasy turǵyn úıin jóndeýge jáne qalpyna keltirýge ótemaqy alǵan.