Búgin, 1 tamyzda QR Memlekettik kúzet qyzmeti Astana turǵyndary men qonaqtaryna qoǵamdyq-saıası sharalardyń ótýine baılanysty úndeý joldady, dep habarlaıdy Egemen.kz.
Anyqtalǵandaı, 7-10 tamyz aralyǵynda qalanyń jekelengen kóshelerinde, atap aıtqanda, kelesi baǵyttar boıynsha kólik quraldary men jaıaý júrginshiler qozǵalysyna ýaqytsha shekteýler engiziledi:
«Esil» (Ońtústik aınalma joly, Qabanbaı batyr dańǵyly, Máńgilik El, Uly Dala dańǵyly, Dostyq , Kereı – Jánibek handar k-ri); «Nura» (Turan , Uly Dala dańǵyly); «Almaty» (Táýelsizdik dańǵyly, J. Nájimedenova , Q. Amanjolova k-ri).Sonymen qatar Memlekettik kúzet qyzmeti daıyndyq aıasynda 3 tamyzda birlesken josparly oqý-jattyǵýlar ótetinin atap ótti.
«Is-sharalar arnaıy memlekettik jáne quqyq qorǵaý organdarynyń, sondaı-aq QR Qarýly kúshteriniń, onyń ishinde áskerı avıasııanyń resýrstaryn paıdalanýdy kózdeıdi. Osyǵan baılanysty, astananyń turǵyndary men qonaqtaryn qaýipsizdikti qamtamasyz etý boıynsha júrgizilip jatqan is-sharalarǵa túsinistikpen qaraýdy ótinemiz», delingen habarlamada.