Balqash qalasyndaǵy «Qońyrat» shaǵyn aýdanynda ornalasqan kópqabatty turǵyn úıden órt shyǵyp, 30 adam baspanasyz qaldy, dep habarlady Egemen.kz Tótenshe jaǵdaılar mınıstrligine silteme jasap.
Turǵyn úıdiń 8 páteri otqa orandy. Zardap shekkender týraly aqparat túsken joq. Úı turǵyndary aldyn ala evakýasııalandy. Biraq, 30 adam baspanasyz qaldy. Qazir úıleri órtengen adamdar ýaqytsha №3 mektep ınternatqa ornalastyryldy.
Balqash qalasynyń ákimidigi balalardy saýyqtyrý lagerlerine, al zeınetkerlerdi sanatorııge jiberý máselesin qarastyryp jatyr.
Keshe О́skemen qalasyndaǵy avtovokzal ǵımaratynan da órt shyqqan bolatyn. Tilsiz jaýdy órt sóndirýshiler der kezinde aýyzdyqtady.