Aqtóbede shıki munaıdy zańsyz óndirgen «Saıgak Kazahstan B.V.» kompanııasy fılıalynyń bas dırektorynyń orynbasary sottaldy, dep habarlaıdy Egemen.kz Qarjylyq monıtorıng agenttiginiń baspasóz qyzmetine silteme jasap.
«Buǵan deıin Qarjylyq monıtorıng agenttigi 2022 jylǵy aqpannan 2023 jylǵy mamyrǵa deıingi kezeńde atalǵan kompanııanyń fılıaly «Saıgak» ken ornyndaǵy kelisimshart sheńberinde shıki munaı óndirýdi júzege asyrǵanyn, bul rette kelisimsharttyń qoldanylý merzimi aıaqtalǵanyn anyqtady. Osy jaǵdaılarǵa qaramastan, olar jyl boıy ken ornynda munaıdy zańsyz óndirý men saqtaýdy jalǵastyrǵan», delingen habarlamada.
Vedomstvonyń habarlaýynsha, jalpy kólemi 3,5 myń tonna bolatyn 2 rezervýarda quny 139 mln teńgege óńdelgen munaı memleket kirisine tárkilengen.
Ken ornyn basqarǵan kompanııa fılıaly bas dırektorynyń orynbasary 3,5 jylǵa bas bostandyǵynan aıyryldy.
Aıta keteıik, keltirilgen shyǵyn tolyq kólemde ótelgen.